Enkarterrietan dago Zalla, Kadagua ibaiaren ertzean, eta oso ezaguna da lurreko produktu tradizionalak kontserbatu eta sustatzen dituelako, bertako “tipula morea” eta txakolina, esaterako.
Informazio interesgarria
| Turismo bulegoa | Tel.: 946 802 976 / E-mail: info@enkartur.net |
| Bisita gidatuak | Tel.: 946 670 950 / E-mail: turismo@zalla.org |
Zallan ikustekoak
Udalerri polit honen erdigunea bisitatu ondoren, baserriz betetako auzo lasaietatik paseatu eta paisaiaz gozatu ahalko dugu, baita txakolinaren upelategiak bisitatu ere.
Bisita Murga jauregian hastea gomendatzen dugu. XVII. mendeko etxandi zaharra da, gaur egun udaletxe modura erabiltzen dena. Burdin forjatuzko balkoiak eta fatxadan duen armarria oso ezagunak dira.
Zariketeko San Pedro
Baseliza hau Donejakue bidean dago eta oso ospetsua izan zen, sorginkeriari lotutako sineskerietan begizkoa desagerrarazteko ahalmena omen zuelako. Elezaharrak dioenez, sorginkeria desagerrarazteko, santuaren egunean baselizara bide batetik joan eta beste batetik bueltatu beharra zegoen.
Baseliza horri lotutako hainbat erritu eta kondaira daude, oraindik ere urtero abuztuaren 1ean gogoratzen direnak, baseliza inguratzea eta bi ateak zeharkatzea esaterako, begizkotik babestuta egoteko.
Baseliza, dohatsuaren etxea eta erromesek erabiltzen zuten iturria bisita ditzakegu, Zallako auzoetan barrena txangoarekin jarraitu aurretik.
Herrera edo Ibarra auzoa
Landa eremu hau aproposa da oinez zein zaldiz ibiltzeko. Terreros dorreak (Enkarterrietan hoberen kontserbatu den dorretxea), Urrutia jauregiak eta Mellako San Antonio baselizak (Bizkaiko ehorzte-kapera pribatuaren adibide) osatutako monumentu talde ederra dago bertan.
Bolunburu
Ibarra auzotik atera eta “Bolunburu” aurkituko dugu, Kadagua ibaiaren ondoan dagoen aisialdirako eremua, zerbitzuekin eta aparkalekuarekin.
Bertan gaudela, eremuaren freskotasunaz eta landarediaz gozatzeaz gain, beste monumentu talde bat bisitatzeko aukera ere izango dugu: Bolunburu dorretxeak (XV. mendekoa), Santa Ana baseliza pribatuak eta burdinolaren hondakinek osatutakoa.
Spotifyn ere zerrenda hau oparituko dizugu, gure hautaketarekin deskonexio une horretaz goza dezazun:
Hurbil dauden establezimenduak
Calle de la Maestra Consuelo Robredo, 1 Aranguren (Zalla)
Bizkaiko eta Bilboko jatetxeak
0.99 Km
C/ Mamerto Allende, 9 (La Arboleda) (Valle de Trápaga-Trapagaran)
Bizkaiko eta Bilboko jatetxeak
6.32 Km
Hurbil dauden alojamenduak
