Mundaka | Disfruta Bizkaia

Busturialdea-Urdaibai eskualdean kokatutako arrantza herri polita da Mundaka. Surfaren erdigunea izateagatik da ezaguna batez ere, baina Bizkaiko kostaldeko herririk politenetako bat izateagatik ere bai.

Inguru paregabean dago, Urdaibaiko Biosferaren Erreserba barruan, eta arrantza-tradizioz betetako herria da, beti itsasoari lotuta egon izan dena.

Udan zein udazkenean bisitatzea da onena. Bertara bazoaz, paisaiaz gain bertako jendeaz ere gozatu ahalko duzu, beren kultura eta tradizioa maite baitituzte.

**Informazio interesgarria**
Turismo Bulegoa	Joseba deuna kalea, z/g Mundaka (Bizkaia) 48360 Tel 94 617 72 01
Jaiak	Datak
San Pedro	Ekainaren 29an
Magdalena eguna	Uztailaren 22an
Santa Katalina	Azaroaren 25ean

Mundakan ikustekoak

Atalaiako begiratokia

Ezkerreko olatu ospetsua ikusteko leku aproposa da. Mundaka harro dago olatu hau bertan sortzen delako eta hiruzpalau metroko altuera har dezakeen olatu hau aprobetxatuta surf egin nahi duten milaka surflari biltzen ditu urtero.

Atalaiako begiratokitik bista izugarriak izango dituzu eta lasaitasunak eta baretasunak ez dizute bertatik mugitzen utziko.

Txorrokopunta kaia

Bista onak izatea gustatzen bazaizu, kai honetatik Laida eta Laidatxu hondartzen bista paregabeak izango dituzu. Udan kai honetan hasten dira surf eskolak eta hasiberriak taulen gainean igerian joaten dira Laidako hondartzaraino.

Santa Katalina baseliza

1879. urtean, baseliza erabat hondatuta zegoenez, ia oso-osorik erori zen. Hala ere, 6 urte baino gutxiago igaro ziren hura ordezkatzeko baseliza berri bat inauguratu zuten arte.

Baseliza berria gotikoaren eta errenazimenduaren arteko trantsizioa erakusten duen eraikina da. Arrantzaleen kofradiak erabiltzen zuen baina epidemietarako eta munizioa gordetzeko ere erabiltzen zen.

Santa Maria eliza

Leinu gerretan suntsitu egin zuten eliza hau eta XVI. mendean berreraiki eta handitu zuten. XIX. mende amaieran obrak egin ziren berriro ere eta Santa Maria eliza goitik behera aldatu zen, barrutik zein kanpotik.