Laidako hondartza Ibarrangelu izeneko udalerri bizkaitarraren parte da eta Urdaibaiko Biosferaren Erreserba barruan dago.
Bere sakonera txikia da Laidako hondartzaren ezaugarri nagusietako bat, horrek benetan erakargarri egiten baitu haurrak dituzten familientzat.
| Informazio interesgarria | |
| Udalerria | Ibarrangelu |
| Jarduerak: | surfa, boleibola, piraguismoa, bela eta kometak |
| Sorosleen ordutegia | 11:00 – 20:00 |
Mundakako itsasadarreko hondartzarik handiena
Urre koloreko hondar fina duen hondartza hau Mundakako itsasadarreko hondartzarik handiena da eta hainbat kirol jarduera egiteko aukera eskaintzen du, windsurfa, piraguismoa edo bela, esate baterako. Dena den, surfa aipatu beharra dago, zalantzarik gabe. Hondartza honetan longboard egiteko olatu bikainak eta kirol horretarako lagungarri suertatzen diren korronteak aurkituko dituzu.
Mundakako ezkerreko olatu ospetsuak mundu osoko milaka surflari biltzen ditu eta hondartza honetatik joan gaitezke olatua sortzen den tokiraino.
Laidako hondartzak hainbat zerbitzu eskaintzen ditu, hala nola dutxak, zerbitzu publikoak, aldagelak, ostalaritzako establezimenduak eta aparkalekua. Azken hori oso handia ez bada ere, goiz helduz gero kotxea aparkatzeko tokia egoten da.
Hondartza honetara kotxez zein autobusez iritsi gaitezke, azkeneko kasu horretan autobusa Gernikan hartuta.
Laidatik metro gutxira aurkituko dugu Lagako hondartza. Ur gardeneko hondartza hori euskal kostaldeko hondartzarik basatienetako bat da. Laga hiriguneetatik urrunago dago baina Urdaibaiko Biosferaren Erreserbaren barruan sartzen da eta bertako paisaia ikusgarria da. Oso gomendagarria da surfa praktikatzen hasi nahi dutenentzat.
Nola heldu
- Kotxez: Gernikatik Lekeitiorako BI 2238 errepidea hartuta. Gautegiz Arteaga parean Laga eta Laidako hondartzetarako bidea hartu behar da, hots, BI 3234 errepidea. Laidako hondartzara helduko gara lehenbizi eta 2-3 km gehiago eginez gero, Lagako hondartzara iritsiko gara.
- Trenez: Gernikatik ez dago bi hondartza hauetarako trenbiderik.
- Autobusez: Gernikatik, Bizkaibusen: 902 222 265, Gernika-Ibarrangelu linea
Spotifyn ere zerrenda hau oparituko dizugu, gure hautaketarekin deskonexio une horretaz goza dezazun:
Hurbil dauden establezimenduak
Barrio Portuondo, s/n (Ctra. Gernika-Bermeo km.47) (Mundaka)
Bizkaiko eta Bilboko jatetxeak
0.59 Km
Plaza Lamera, s/n (Bermeo)
Bizkaiko gaueko aisialdia | Bizkaiko tabernak eta kafetegiak
2.15 Km
Hurbil dauden alojamenduak
