Arrantza herri pintoreskoa da Elantxobe, kale estuak eta eraikin mailakatuak dituena, portura begira eta Ogoño lurmuturraren babespean.
Ondoko Ibarrangelu udalerritik zetorren arrantzale talde txiki batek sortu omen zuen, 1524 baino lehenago.
Busturialdea-Urdaibai eskualdearen barruan dago, Urdaibaiko Biosferaren Erreserban, eta Bizkaiko kostaldea ezagutzeko orduan bisitatu beharreko tokia da.
Elantxoben ikustekoak
San Nikolas Barikoaren eliza
Arrantzaleen kofradiak eraiki zuen herriaren parterik altuenean kokatuta dagoen eliza hau, 1803an.
Hirigune historikoa
Itsasorantz jaisten diren kale aldapatsuetan nabaria da herriaren iragan eta orain arrantzalea.
Portura bidean harri izugarri bat aurkituko dugu, itsasoaren indarrak labarraren goialderaino ekarritakoa.
Portua
Itsasora parez-pare irekita dagoen portua zenez, 1783rako kofradiak portua itsasoaren erasoetatik babesteko moilak eraiki zituen eta urteetan zehar moila horiek indartuz joan dira.
Gaur egun arrantza portu modura erabiltzen dute oraindik.
Hala ere, Elantxobeko erakargarri turistiko nagusia herriaren beraren itxura pintoreskoa da, zalantzarik gabe, eta herriko kaleetatik paseatzea eta bertako lasaitasunaz, bistez eta gastronomiaz gozatzea.
Hondartza maite dutenek distantzia gutxira aurkituko dute, mendebalderantz. Urdaibaiko Biosferaren Erreserba barruan Laga eta Laida hondartza ederrak daude eta surflari ugari hartzen dituzte. Bestela, ekialderantz eginez gero, beste arrantza herri berezi bat aurkituko dute: Ea, errekak eta zubiek markatutako hirigunearekin eta bandera urdina daukan hondartza abegikorrarekin.
Spotifyn ere zerrenda hau oparituko dizugu, zure kirol saioan gure aukeratutako ibilbideetako batean animatu zaitezen:
Hurbil dauden establezimenduak
Portu kalea, 2 (Elantxobe)
Bizkaiko eta Bilboko jatetxeak | Bizkaiko tabernak eta kafetegiak
0.11 Km
Bº Elexalde, 30 (Natxitua) (Ea)
Bizkaiko eta Bilboko jatetxeak | Bizkaiko tabernak eta kafetegiak
1.96 Km
Barrio Portuondo, s/n (Ctra. Gernika-Bermeo km.47) (Mundaka)
Bizkaiko eta Bilboko jatetxeak
2.86 Km
Hurbil dauden alojamenduak
