Estatu mailako merkaturik ospetsuenetako bat da Balmasedan egiten den Erdi Aroko Azoka. Bi egunez, udalerri horrek Erdi Aroko tradizioa berreskuratzen du eta benetako filmetako dekorazio bilakatzen da.
Harritu egingo zaitu, hainbat arrazoirengatik: bizilagun gehienek parte hartzen dute, udalerria guztiz eraldatzen da eta antzezpen eta ikuskizunen aniztasunak ekitaldi bakana bihurtzen dute.
1999an egin zen Balmasedako lehenengo Erdi Aroko Azoka, Balmaseda hiribildu izendatu zuteneko zortzigarren mendeurrenean. Hain zuzen ere, Bizkaiko jaurerrian sortutako lehenengo hiribildua izan zen, 1199an.
Iragana antzezten dutenean bisitari gehien hartzen dituen Erdi Aroko azoketako bat bilakatzen da eta Euskal Herriko kultur eskaintzaren mugarri ere bilakatu da.
Balmasedako Alde Zaharreko kaleetatik barrena bazoaz, denboran atzera egin ahalko duzu, ia esfortzurik egin gabe. Izan ere, estandarteak daude balkoietatik zintzilik, kaleak lastoz betetzen dira eta asteburu batez hiribildua Erdi Aroko herri bilakatzen da, ohiko merkataritza-jarduerarekin.
Kalejirekin, musikariekin, malabarismoekin, akrobatekin eta orekariekin, Alde Zahar osoan egiten da Erdi Aroko Azoka eta San Severino Plazan izaten du erdigunea.
Plaza horretan lehengaiak zuzenean lantzen dituzten artisauak aurkituko dituzu, bisitariei larruzko, zurezko eta kristalezko artikuluak, gozokiak, lurrinak eta senda belarrak nola lortzen dituzten erakusteko.
Egunean zehar dauden jarduera guztiak gutxi direla iruditzen bazaizu, gaueko ikuskizunez ere gozatu ahalko duzu, espektakulua eta sua izaten baitira protagonista nagusiak.
Hurbil dauden establezimenduak
Calle de la Maestra Consuelo Robredo, 1 Aranguren (Zalla)
Bizkaiko eta Bilboko jatetxeak
4.72 Km
Cocha, 36 (Karrantza Harana/Valle de Carranza)
Bizkaiko tabernak eta kafetegiak
8.07 Km
Barrio Concha, 6 (Karrantza Harana/Valle de Carranza)
Bizkaiko eta Bilboko jatetxeak
8.11 Km
C/ Mamerto Allende, 9 (La Arboleda) (Valle de Trápaga-Trapagaran)
Bizkaiko eta Bilboko jatetxeak
9.83 Km
Hurbil dauden alojamenduak
