Bizkaira etortzean dastatu behar dituzun edariak: BASQUE WINE

Bizkaiko erakarpen turistikoetako bat gastronomia da. Turismo gastronomikoa modan dago eta zalantzarik barik, hauxe da gastrolover direnentzako helmuga gogokoenetariko bat.

Turista hauek pintxorik hoberenen bila datoz, tradizionalak edota autore-pintxoak, gure plater ospetsuenak probatzeko jatetxerik onenak, eta Michelin Izarrak dituzten gure sukaldariengatik harrituta sentitzea ere bilatzen dute. Zalantzarik gabe, gure sukaldaritza oso aberatsa eta askotarikoa da, eta munduko bazter guztietatik bisitatzeko arrazoi nagusietako bat da.

Euskal gastronomiari buruz hitz egitean, Euskadin eginiko edariez ahazten ohi gara (Basque Wine). Ez dira marmitakoa edo txuletoia bezain ezagunak, baina ezin hobeak dira gure platerekin edo pintxoekin uztartzeko. Gure txakolinak, artisau-garagardoak, sagardoak eta Arabar Errioxako ardoak gure taberna eta jatetxeetan probatzeari utzi ezin diozun osagarri ezin hobeak dira.

🥂 TXAKOLINA

Ardo bikaina da, bertan egina, eta gure gastronomiaren adierazgarria ez ezik, euskal tradizioena ere bada, bereziki Bizkaian, han oso errotuta baitago. Hondarrabi Zuri eta Hondarrabi Beltza mahats autoktonoen barietateekin egina dago, eta izaera berezia eta paregabea ematen dio, eta, gainera, nazioartean aintzatetsia izan da, azken 30 urteetan izan duen eraldaketari esker.

🍺 ARTISAU GARAGARDOAK. Basque Beer.

Gure gastronomia bezala, bertako produktua Euskadin egindako artisau garagardo hauen oinarria da, eta geroz eta bereziagoak eta askotarikoak dira.

🍏 SAGARDO NATURALA

Hain berezia den sagardo honek, tradizioz baserrietan egiten denak, eta inguruan duen kultura bereziak historian zehar ezaugarri paregabeak izan ditu, bakarra egiten dutenak.

🍷 ARABAR ERRIOXAKO ARDOAK

Milaka urteko historia, baldintza bioklimatiko bereziak eta paregabeak, kultura-ondarea eta bodega zahar eta berritzaileak direla eta, ardo horiek oso bereziak dira eta ospe handia dute nazioartean.

Gainera, 4 edari hauei buruz gehiago ezagut dezazuen, bisita ditzakezuen museoak eta bodegak ditugu. Bisita ezazu Mendibile Jauregia, txakolinaren interpretazio zentroa eta txakolina dastatzeko bisita gidatuak.

Zu ere gastronomiaren eroa bazara, joan zaitez Bizkaira zure hurrengo ihesaldian eta utzi gure gastronomiarekin, inguruarekin eta eskaintza kultural anitzarekin maitemintzen. Errepikatuko duzu!