Azkuna Zentroa | Disfruta Bizkaia

Azkuna Zentroa o hasta hace muy poco también conocido como la Alhóndiga de Bilbao, es un espacio público de ocio y cultura situado en el centro de Bilbao.

Informazio interesgarria
Agenda	Agenda
Jendeari arreta emateko ordutegia	Astelehenetik ostiralera 8:00etatik 22:00etara Larunbatetan, igandeetan eta jaiegunetan 9:00etatik 22:00etara
Telefonoa	944 014 014

75 milioi euroko inbertsioa eginda, Philippe Starck diseinatzaile frantsesak mende bat zeukan ardo-biltegi zahar bat guztiz eraldatu eta gaur egun ikus dezakegun eraikina egin zuen.

2001. urtearen erdialdean hasi ziren biltegia eraberritzeko lanak. Barruko egitura behera bota zen eta fatxada errespetatu zen. Eraikinaren barrualdean adreiluz forratutako hiru kubo eraiki dira, 43 zutaberen gainean zintzilikatuta daudenak. Zutabe horietako bakoitza desberdina da eta oso erakargarri egiten da zutabe bakoitzaren estiloa horren modu ikusgarrian aldatzen dela ikustea.

Azkuna Zentroak 400.000 metro karratutik gorako azalera du eta honako hauek ditu barruan: 8 zinema-areto, auditorio bat, liburutegi bat, erakusketa-gela bat, gimnasio bat igerilekuarekin, denda bat, jatetxeak eta lurrazpiko aparkalekua.

2014ko abenduaren 10ean, Ibon Aresok, Bilboko jarduneko alkateak, Alhondiga zentroaren izen berria aurkeztu zuen eta hala, Iñaki Azkuna zentroa izena hartu zuen, hiru legegintzaldi baino gehiagoz Bilboko alkatea izan zenaren ohorez eta oroimenez. Azkenean, Azkuna Zentroa izen ofiziala hartu zuen 2015eko martxoan.

Jarduketa-ardatz estrategiko modura, Azkuna Zentroaren misioa Bilbo kulturaren eta ezagutzaren hiri irekia izateko estrategiari babesa ematea eta lurraldearen garapen ekonomiko eta sozialari mesede egitea da.